வேலூர் மாவட்டம் காட்பாடி சட்டமன்றத் தொகுதியில் அதிமுக தரப்பில் பணப்பட்டுவாடா நடைபெறுவதாக கட்டுப்பாட்டு அறைக்கு ரகசிய தகவல் கிடைத்துள்ளது.  ரகசிய தகவலின் அடிப்படையில் தேர்தல் நடத்தும் அலுவலர் மற்றும் தேர்தல் செலவின மேற்பார்வையாளர்கள், பணப்பட்டுவாடா நடைபெறுவதாக தகவல் கிடைக்கப் பெற்ற தனியார் ஓட்டலுக்கு சென்று ஆய்வு செய்ததில் அதிமுகவினருக்கு சொந்தமான சுமார் 18 லட்சத்து 41 ஆயிரத்து 300 ரூபாய் பணம் பறிமுதல் செய்யப்பட்டுள்ளது. மேலும் அதிமுக வேட்பாளரின் துண்டுபிரசுரங்கள் மற்றும் வாக்காளர் பட்டியல் அடங்கிய பூத் ஸ்லிப் போன்றவற்றை பறிமுதல் செய்துள்ளனர். இந்த சம்பவம் தொடர்பாக தேர்தல் மேற்பார்வையாளர் மற்றும் வருமான வரித் துறையினர் விசாரணை மேற்கொண்டு வருகின்றனர்.

வேலூர் சரகத்துக்கு உட்பட்ட வேலூர், திருவண்ணாமலை, ராணிப்பேட்டை மற்றும் திருப்பத்தூர் மாவட்டங்களில் பணியாற்றும் 55 காவல் ஆய்வாளர்களை பணியிட மாற்றம் செய்து டிஐஜி காமினி உத்தரவிட்டுள்ளார். தமிழகத்தில் சட்டப்பேரவை தேர்தல் அறிவிப்பு வெளியாகியுள்ள நிலையில் வேலூர் சரகத்துக்கு உட்பட்ட 55 காவல் ஆய்வாளர்களை இடமாற்றம் செய்து டிஐஜி காமினிஉத்தரவிட்டுள்ளார். அதன்படி, வேலூர் தெற்கு ஆய்வாளர் லதா,திமிரிக்கும், வேலூர் கிராமிய ஆய்வாளர் கருணாகரன், சத்துவாச்சாரிக்கும், அங்கு ஏற்கெனவே பணியாற்றிவந்த புனிதா, அரக்கோணம் மகளிர் காவல் நிலையத்துக்கும், வேப்பங்குப்பம் பாலசுப்பிரமணியன் தேசூருக்கும், லத்தேரி கோவிந்தசாமி போளூருக்கும், குடியாத்தம் கிராமிய ஆய்வாளர் பார்த்தசாரதி தி.மலை நகரத்துக்கும், வேலூர்மகளிர் ஆய்வாளர் நிர்மலா உமராபாத்துக்கும் மாற்றப்பட்டுள்ளனர். குடியாத்தம் மகளிர் ஷியாமளா கீழ்பென்னாத்தூருக்கும், வேலூர் பொருளாதார குற்றப்பிரிவு நாகராஜன், திருவண்ணாமலை குற்றப்பிரிவுக்கும், வேலூர் மாவட்ட குற்ற ஆவண காப்பக ஆய்வாளர்சரஸ்வதி, திருவண்ணாமலை மாவட்ட குற்ற ஆவண காப்பகத்துக்கும், வேலூர் பணியிடை பயிற்சி மைய ஆய்...

போக்குவரத்துக்கழக அனைத்து தொழிற்சங்க கூட்டமைப்பு சார்பில் 14 வது ஊதிய ஒப்பந்தத்தை உடனடியாக நிறைவேற்றக் கோரி இன்று முதல் காலவரையற்ற வேலை நிறுத்தப் போராட்டத்தில் ஈடுபட போவதாக அறிவித்துள்ளன. ஆனால் போக்குவரத்து தொழிலாளர்கள் அனைவரும் இன்று நடக்கும் வேலை நிறுத்த போராட்டத்தில் பங்கேற்கக் கூடாது. கண்டிப்பாக பணிக்கு வரவேண்டும். விடுமுறை எதுவும் எடுக்க அனுமதி கிடையாது. போராட்டத்தில் ஈடுபடுபவர்கள் மீது ஒழுங்கு நடவடிக்கை எடுக்கப்படும் என போக்குவரத்துக் கழகம் எச்சரிக்கை விடுத்துள்ளது. இதனிடைய வேலூர், திருப்பத்தூர், ராணிப்பேட்டை மாவட்டத்தில் 50 சதவீத அரசு பஸ்கள் மட்டுமே இன்று காலை முதல் இயக்கப்பட்டன. வேலூரில் இருந்து சென்னை பெங்களூரு செல்லக் கூடிய பஸ்கள் மிகக் குறைந்த அளவிலேயே இயக்கப்பட்டன. இதனால் புதிய பஸ் நிலையத்தில் பயணிகள் கடும் அவதி அடைந்தனர். வேலூர் பழைய பஸ் நிலையத்தில் இருந்து கிராமப்புறங்களுக்கு செல்லக்கூடிய அரசு டவுன் பஸ்களில் பெரும்பாலானவை ஓடவில்லை. தனியார் பஸ்கள் வழக்கம் போல் ஓடியது. திருப்பத்தூர் நகரப்பகுதிகளில் 50 சதவீத பஸ்கள் இயக்கப்பட்டன. கிராம பகுதிகளுக்கு செல்லக்கூடிய பெரும்...

ராணிப்பேட்டை மற்றும் வேலூரில் திடீர் மழை. இடம் : வேலூர் பேலஸ் கபே . ராணிப்பேட்டை , வேலூர் மாவட்டத்தில் கடந்த சில மாதங்களாக கடும் குளிரும் , பனிப்பொழிவும் ஏற்பட்டு வந்த நிலையில் , நேற்று இரவு திடீரென மழை கொட்டியதால், நனைந்தபடி செல்லும் வாகன ஓட்டிகள் . 

குடியாத்தம் அருகே ஒற்றை யானை தொடர் அட்டகாசம் செய்து வருவதால் கிராமமக்கள் பீதியடைந்துள்ளனர். தமிழகம்- ஆந்திரா கர்நாடகா எல்லையை ஒட்டிய பகுதியில் வேலூர் மாவட்டம் குடியாத்தம் வனப்பகுதியையொட்டி உள்ள ஆந்திர வனப்பகுதியில் யானைகள் சரணாலயம் உள்ளது . இங்குள்ள யானைகள் அடிக்கடி சரணாலயத்தை விட்டு வெளியேறி குடியாத்தம் வனப்பகுதியில் உள்ள கிராமங்களுக்கு புகுந்து பயிர்களை சேதப்படுத்தி வருகிறது. கடந்தசில நாட்களாக ஒற்றை யானை குடியாத்தம் அடுத்த கதிர்குளம் , கொட்டமிட்டப்பள்ளி , மோர்தானா ஆகிய கிராமங்களில் புகுந்து பயிர்களை சேதப்படுத்தி வருகிறது.  இந்த யானையை வனத்துறையினர் , வனப்பகுதிக்குள் விரட்டியடித்து வருகின்றனர். இருப்பினும் ஒற்றை யானை மீண்டும் மீண்டும் ஊருக்குள் நுழைய முயற்சி செய்து வருகிறது . அதேபோல் , நேற்று அதிகாலை ஒற்றை யானை குடியாத்தம் அடுத்த சைனகொண்டா கிராமத்தில் உள்ள விவசாய நிலங்களுக்குள் புகுந்து அட்டகாசத்தில் ஈடுபட்டது. இதைப் பார்த்து அதிர்ச்சியடைந்த கிராம மக்கள் , குடியாத்தம் வனத்துறையினருக்கு தகவல் கொடுத்தனர்.  அதன்பேரில் வனத்துறையினர் சம்பவ இடத்திற்கு சென்று பொதுமக்கள் உதவி...

வேலூர்: குடியாத்தம் அருகே தீ விபத்தில் 5,400 கோழிக்குஞ்சுகள் கருகி இறந்தன. வேலூர் மாவட்டம் குடியாத்தத்தை அடுத்த சின்னராஜாகுப்பம் கிராமத்தைச் சேர்ந்தவர் அகத்தியபாபு.  இவர் சொந்த நிலத்தில் கோழிப்பண்ணை வைத்திருந்தார். கோழிப்பண்ணையில் திடீரெனத் தீப்பிடித்து எரிந்தது. இதுகுறித்து குடியாத்தம் தீயணைப்பு நிலையத்துக்குத் தகவல் தெரிவிக்கப்பட்டது, நிலைய அலுவலர் லோகநாதன் தலைமையில் தீயணைப்புப்படை வீரர்கள் விரைந்து வந்து, ஒரு மணி நேரத்துக்கும் மேலாகப் போராடி தீயை அணைத்தனர்.  தீ விபத்தில் பண்ணையில் இருந்த 5 ஆயிரத்து 400 கோழிக்குஞ்சுகள் கருகி பலியாகின. கோழிப்பண்ணை மேற்கூரைகளும், அங்குள்ள பொருட்களும் முற்றிலும் எரிந்து நாசமாகின. தீ விபத்துக்கான காரணம்குறித்து உடனடியாகத் தெரியவில்லை. வருவாய்த்துறை மற்றும் போலீசார் விசாரணை நடத்தி வருகின்றனர்.

காட்பாடியில் தமிழகத்தையும் ஆந்திராவையும் இணைக்கும் ரயில்வே மேம்பாலம் சுமார் 22 ஆண்டுகளாக மக்கள் பயன்பாட்டில் உள்ளது. வேலூரில் இருந்து சித்தூர், திருப்பதி, லத்தேரி, கே.வி.குப்பம், குடியாத்தம், செங்குட்டை, காட்பாடி ஆகிய பகுதிகளுக்கு இந்த பாலத்தின் வழியாக தான் முழுமையாக போக்குவரத்து இயக்கப்படுகிறது. இந்நிலையில் இந்த மேம்பாலம் கனரக வாகனங்களால் வலுவிழந்து, குண்டும் குழியுமாகவும், ஆங்காங்கே விரிசல்கள் ஏற்பட்டுள்ளன. கடந்த 27ம் தேதி சீரமைப்பு பணி தொடங்க இருந்த நிலையில் பணிகள் திடீரென நிறுத்தப்பட்டது. பின்னர் கலெக்டர், எஸ்பி தலைமையில் அதிகாரிகள் நேரடியாக ஆய்வு செய்தனர். மேம்பாலப்பணி நடைபெறும்போது ஒரு மாற்றத்திற்கு அங்கு போக்குவரத்து தடைசெய்ய இருமாநில அரசுக்கும் அறிக்கை அனுப்பி வைக்கப்பட்டுள்ளதாக கலெக்டர் தெரிவித்தார். இதற்கிடையில் தமிழக முதல்வர் எடப்பாடி பழனிசாமி வரும் 9ம் தேதி வேலூர் மாவட்டத்தில் தேர்தல் பிரச்சாரத்தில் ஈடுபட உள்ளார். இறைவன்காடு, கே.வி.குப்பம், காட்பாடி சித்தூர் பஸ்நிலையம், வேலூருக்கு வர உள்ளார். இதனால் காட்பாடி ரயில்வே மேம்பாலத்தின் மீது பல ஆண்டுகளாக இருந்த குண்டும், க...

வேலூர் மாநகராட்சி இரண்டாம் மண்டலம்  24ஆவது வார்டு மக்களுக்கு கடந்த டிசம்பர் மாதம் ஒரு அறிவிப்பு வெளியிடப்பட்டது. அதில் மக்கும் குப்பை மக்காத குப்பையைப் பிரித்தி கொடுத்தால் குலுக்கல் முறையில் தங்கம், வெள்ளி வழங்கப்படும் எனத் தெரிவிக்கப்பட்டது. அதன்படி கடந்த 45 நாட்களாக 24வது வார்டு மக்களைத் தொடர்ந்து கண்காணித்து குலுக்கல் முறையில் தேர்ந்தெடுக்கப்பட்ட 6 நபர்களுள் இரண்டு பேருக்குத் தங்கமும், 4 பேருக்கு வெள்ளியும் மதிப்பிற்குரிய மாநகராட்சி ஆணையர் அவர்கள், மாநகர நல அலுவலர், மண்டலம் 2 சுகாதார அலுவலர் அவர்கள் தலைமையில் சமூக ஆர்வலர் தினேஷ் சரவணன் ஏற்பாட்டில் வழங்கப்பட்டது.

வேலூர்: உண்டி கொடுத்தோர், உயிர் கொடுத்தார் என்றும், 'பசியால் பரிதவிக்கும் ஜீவனுக்கு உணவிடுவோர், பரம்பொருளுக்கே உணவிட்டவர் ஆவார்' என்றும் அன்னதானத்தின் சிறப்பைப் பற்றி நம் முன்னோர்கள் சொல்லி வைத்துள்ளனர். அப்படி உறவு இல்லாமல், உணவு இல்லாமல் தவித்துவருவோருக்கு கடந்த 15 வருடங்களாகத் தொடர்ந்து உணவளித்து வருகின்றனர் வேலூரை சேர்ந்த ஒரு தம்பதி. வேலூர் மாவட்டம் குடியாத்தம், புவனேஸ்வரி பேட்டையில் வாடகை வீட்டில் வசித்து வருபவர்கள் பாபுசிவம் - ராதிகா தம்பதி. பாபுசிவம் அதேப்பகுதியில் உள்ள சிவன் கோவிலில் அர்ச்சகராகப் பணிபுரிந்து வருகிறார். இத்தம்பதி வசதி வாய்ப்புகள் இல்லாமல் சிறிய வாடகை வீட்டில் வசித்து வந்தாலும், உணவின்றி, அவதியுறும் முதியவர்களுக்கும், மாற்றுத்திறனாளிகளுக்கும், சுமார் 15 ஆண்டுகளாகத் தேடி தேடி உணவளித்து வருகின்றனர்.  வீட்டில் தினமும் பார்த்துப் பார்த்துச் சமைத்து, அதனைப் பொட்டலங்களில் கட்டி, இருசக்கர வாகனத்திலேயே சென்று பேருந்து நிலையம், கோவில், போன்ற இடங்களில் உள்ள முதியவர்கள் மற்றும் மாற்றுத்திறனாளிகளுக்கு அளித்து வருகின்றனர். மேலும் சிலர் பிறந்தநாள், திருமணநாள், ...

வேலூர்: சட்டசபை தேர்தலில் ஊர்க்காவல் படையினர் சிறப்பாக பணியாற்ற வேண்டும் என்று டி.ஐ.ஜி. காமினி தெரிவித்துள்ளார். வேலூர் நேதாஜி விளையாட்டு மைதானத்தில் ஊர்க்காவல் படை வீரர்கள் பயிற்சி நிறைவு விழா நேற்று நடைபெற்றது. ஊர்க்காவல் படை சரக தளபதி வி.என்.டி.சுரேஷ் தலைமை தாங்கினார். வேலூர் மாவட்ட போலீஸ் சூப்பிரண்டு செல்வகுமார் முன்னிலை வகித்தார். ஊர்க்காவல் படை மண்டல தளபதி குமரன் வரவேற்றார் சிறப்பு விருந்தினராக வேலூர் சரக டி.ஐ.ஜி. காமினி கலந்து கொண்டு பேசியதாவது, சீருடை அணிவது நமக்குக் கிடைத்த பரிசு. இந்தப்பணியில் சேர பலர் போட்டி போட்டனர். ஆனால் நீங்கள் தேர்வு செய்யப்பட்டுள்ளீர்கள். இந்தத் துறை கட்டுப்பாடு நிறைந்தது. நீங்கள் காவல் துறையுடன் இணைந்து பணியாற்றுவீர்கள். நீங்கள் ஏதாவது தவறு செய்தால் ஒட்டுமொத்த காவல்துறையையும் குறை கூறுவார்கள். எனவே மிகவும் கவனத்துடன் பணியாற்ற வேண்டும். காவல்துறைக்கு உங்களுடைய ஒத்துழைப்பு முக்கியமானதாகும். கொரோனா காலத்திலும் மிகச் சிறப்பாகப் பணியாற்றினீர்கள். குறிப்பாகப் பெண் ஊர்க்காவல் படையினரை பாராட்ட வேண்டும். உங்களுக்குப் பல வாய்ப்புகள் கிடைத்தாலும் அதைவிட ...

திருப்பத்தூர் மாவட்டம் நாட்றம்பள்ளி அருகே மர்ம நபர்களால் இளங்கலை பட்டதாரி கணித ஆசிரியரைக் கத்தியால் வெட்டி உயிர் இருக்கும்போதே தலைமீது காரை ஏற்றிக் கொலை செய்த சம்பவம் அப்பகுதியில் பெரும் பரபரப்பை ஏற்படுத்தியுள்ளது. திருப்பத்தூர் மாவட்டம் நாட்றம்பள்ளி தாலுகாவுக்கு உட்பட்ட பங்களாமேடு பகுதியில் மர்ம நபர் ஒருவர் சரமாரியாக வெட்டப்பட்டு ரத்த வெள்ளத்தில் இறந்து கிடந்ததை கண்டு பொதுமக்கள் நாட்றம்பள்ளி காவல் நிலையத்திற்கு தகவல்கூற விரைந்து வந்த காவல் துறை .சடலத்தைக் கைப்பற்றி மாவட்ட காவல் கண்காணிப்பாளர் விஜயகுமாருக்கு தகவல் கூற சம்பவ இடத்திற்கு நேரில் விரைந்து சென்று விசாரணை நடத்தினார்.  கிருஷ்ணகிரி மாவட்டம் போச்சம்பள்ளி அடுத்த சந்தூர் பகுதியைச் சேர்ந்த சிவகுமார் (33). இவர் ஊத்தங்கரை அருகே உள்ள ஜோதி நகர் பகுதியில் அரசு நடுநிலைப்பள்ளியில் இளங்கலை பட்டதாரி கணித ஆசிரியராகக் கடந்த ஒரு வருடத்துக்கு முன்புதான் பணியில் சேர்ந்துள்ளார் என்றும் இவருக்கு விக்டோரியா என்கிற மனைவியும் ஒரு ஆண் ஒரு பெண் என இரண்டு பிள்ளைகளும் உள்ளனர் என்பதும் தெரியவந்துள்ளது. இவரது மனைவி விக்டோரியா போச்சம்பள்ளி பகுதி...

தமிழகம் முழுவதும் பாட்டாளி மக்கள் கட்சியினர் 20 சதவிகித இட ஒதுக்கீடு வழங்கக்கோரி போராட்டம் நடத்தி வருகின்றனர். இந்த நிலையில் இன்று 6 ஆவது கட்டமாகப் போராட்டம் நடத்தினர். அதன்படி, வேலூர் மாவட்டத்தில் சத்துவாச்சாரியில் உள்ள மாவட்ட ஆட்சியர் அலுவலகம் முன்பு உள்ள ஆஞ்சநேயர் கோவில் அருகில் மாநில துணை பொது செயலாளர் இளவழகன் தலைமையில் 20 சதவிகித இட ஒதுக்கீடு கோரி மக்கள் திரள் அறப் போராட்டத்தில் ஈடுபட்டனர். இதில் வேலூர், அணைக்கட்டு, குடியாத்தம் ,கே வி குப்பம் உள்ளிட்ட 5 தொகுதிகளிலிருந்து சுமார் 3000 அதிகமான பாமக தொண்டர்கள் கலந்து கொண்டனர்.

திருப்பத்தூா்: ஓடும் ரயிலில் 20 பவுன் நகை திருடிய வடமாநில இளைஞரைப் போலீசார் கைது செய்தனா். திருப்பத்தூர் மாவட்டம் ஜோலாா்பேட்டை ரயில் நிலையத்தில் உள்ள 2ஆவது நடைமேடையில் ரயில்வே காவல் ஆய்வாளா் சபரிநாத் மற்றும் போலீசார் ரோந்து பணியில் ஈடுபட்டிருந்தனா். அப்போது சந்தேகத்தின் பேரில் சுற்றித் திரிந்த இளைஞரைப் பிடித்துக் காவல் நிலையத்துக்கு அழைத்துச் சென்று விசாரித்தனா். இதில், அவா் உத்தரப் பிரதேச மாநிலம் பலராமபூா் பகுதியைச் சோ்ந்த ஷகில் அகமது (21) என்பதும், இவா் மங்களூரிலிருந்து சென்னை செல்லும் விரைவு ரயிலில் பயணித்த ஆந்திரத்தைச் சோ்ந்த ரத்னா காா்ஸ் ஷா்மா (56) என்பவரிடமிருந்து 20 பவுன் நகையைத் திருடியதும் தெரியவந்தது. இதையடுத்து ஷகில் அகமதுவிடமிருந்து 20 பவுன் நகைகளைப் போலீசார் பறிமுதல் செய்தனா். இது தொடா்பாக வழக்குப் பதிவு செய்து, அவரைக் கைது செய்தனா்.

வேலூர் மாவட்டம் குடியாத்தம் அருகே உள்ள மகாதேவ மலையில் உள்ள சிவன் கோயிலில் காமெடி நடிகர் செந்தில் தைப்பூசத்தை முன்னிட்டு சிறப்பு தரிசனம் செய்தார். அடையாளம் தெரியாதவாறு காவி வேட்டி தலைப்பாகை கட்டி அணிந்தபடி வந்திருந்த அவரைப் பொதுமக்கள் சித்தரிடம் ஆசி பெற்றபோது கண்டுபிடித்தனர். இதைத்தொடர்ந்து வந்திருந்த பக்தர்கள் அவரிடம் செல்ஃபி எடுத்துக்கொண்டனர். வேலூரையடுத்த காட்பாடியிலிருந்து குடியாத்தம் செல்லும் சாலையில் மகா-தேவமலை இருக்கிறது. இந்த மலையின் குகையில் சாமியார் ஒருவர் இருக்கிறார். 30 வருடங்களாக மலையின் குகைக்குள் இருந்த இச்சாமியார், அய்ந்து ஆண்டு-களுக்கு முன்பாக வெளிச்சத்துக்கு வந்தார்

ஜன .29 : குடியாத்தம் அருகே ராணுவவீரர் மாரடைப்பால் பரிதாபமாக உயிரிழந்தார் . குடியாத்தம் அடுத்த கிருஷ்ணம்பள்ளி கிராமத்தை சேர்ந்தவர் முனுசாமி ( 50 ) , ராணுவத்தில் பணியாற்றிவந்தார் , இவரது மனைவி நிலாவேணி . இவர்களுக்கு 2 மகள் , ஒரு மகன் உள்ளனர். கடந்த சில தினங்களுக்கு முன் முனுசாமி , சொந்த கிராமத்திற்கு வந்தார்.  இந்நிலையில் நேற்று முன்தினம் இரவு அவருக்கு நெஞ்சுவலி ஏற்பட்டது . அதிர்ச்சியடைந்த குடும்பத்தினர் முனுசாமியை மீட்டு குடியாத்தம் அரசு மருத்துவமனையில் சேர்த்தனர் . அங்கு பரிசோதித்த டாக்டர்கள் முனு சாமிவரும் வழியில் இறந்து விட்டதாக தெரிவித்தனர் . பின்னர் அவரது சடலம் பிரேத பரிசோதனைக்காக அதே மருத்துவமனையில் வைக்கப்பட்டுள்ளது . இதுகுறித்து மேல்பட்டி போலீசார் வழக்குப்பதிவு செய்து விசாரித்து வருகின்றனர்.

வேலூர்: காட்பாடி ரயில் நிலையம் அருகில் அடையாளம் தெரியாத ஜோடிகளின் உடல் ரயிலில் அடிப்பட்டு பலியான நிலையில் கண்டெடுக்கப்பட்டுள்ளது. வேலூர் மாவட்டம் காட்பாடி ரயில் நிலையம் அருகில் பழைய காட்பாடியில் ரயில் தண்டவாளத்தில் சென்னையிலிருந்து திருவேந்திரம் செல்லும் ரயிலில் அடிப்பட்டு 27 வயது மதிக்கத் தக்க இஸ்லாமிய பெண் மற்றும் 30 வயது மதிக்கத் தக்க ஒரு ஆண் ஆகியோர் கிடந்தனர். இதுகுறித்து தகவல் அறிந்த வந்து உடலைக் காட்பாடி ரயில்வே போலீசார் கைப்பற்றிப் பிரேத பரிசோதனைக்காக அடுக்கம்பாறை அரசு மருத்துவமனைக்கு அனுப்பி வைத்தனர். இறந்த இருவரும் யார் எந்த ஊரைச் சேர்ந்தவர்கள் எனக் காவல்துறையினர் விசாரணை செய்ததில் இவர்கள் வாணியம்பாடி பகுதியைச் சேர்ந்த அபிபூர் ரகுமான்(35) இவர் திருமணமாகாதவர், ஷபானயாஸ்மீன் ஏற்கனவே வேறு ஒருவருடன் திருமணமானவர்கள் இவர்கள் இருவருக்கு கள்ளக்காதல் எனக் கூறப்படுகிறது. இவர்கள் இங்கு வந்த தற்கொலை செய்துகொண்டனரா? அல்லது வேறு யாராவது கொலை செய்தனரா? என்ற கோணத்தில் விசாரணை நடந்து வருகிறது.

வேலூர் மாவட்டம் பாகாயம் அடுத்த அடுக்கம்பாரை யில் உள்ள வேலூர் அரசு மருத்துவமனை மற்றும் மருத்துவ கல்லூரியில் பெண்களுக்கான ஒருங்கிணைந்து சேவை மையம் புதிதாகக் கட்டப்பட்டது.  புதிதாகக் கட்டப்பட்ட சேவை மையத்தினை இன்று வேலூர் மாவட்ட ஆட்சியர் சண்முகசுந்தரம் ரிப்பன் வெட்டித் துவக்கி வைத்தார். இந்த நிகழ்ச்சியின்போது வேலூர் சமூக நலத்துறை அதிகாரி மற்றும் அரசு மருத்துவமனை மற்றும் மருத்துவ கல்லூரி முதல்வர், அதிகாரிகள் உள்ளிட்ட பலர் கலந்து கொண்டனர்.

திருப்பத்தூர் மாவட்டம் ஆலங்காயம் சமுதாய சுகாதார நிலையத்தில் இயன்முறை மருத்துவராகக் கமலக்கண்ணன் பணிபுரிந்து வருகிறார். அவர் தான் பணிபுரியும் அரசு மருத்துவமனையிலேயே தன் மனைவிக்குப் பிரசவம் பார்த்துக்கொண்டார். இதையடுத்து வட்டார மருத்துவ அலுவலர் பசுபதி அவரைப் பாராட்டி அரசு சார்பில் பிரசவித்த தாய்மார்களுக்கு வழங்கப்படும் அம்மா குழந்தை நல பரிசு பெட்டகத்தை வழங்கினார்.

வேலூர் : காட்பாடியில் 14 மணி நேரத்திற்கு மேலாக கால்வாயில் சிக்கிய கன்றுக்குட்டியை தீயணைப்பு வீரர்கள் மீட்டனர். காட்பாடி புதுபள்ளி குப்பம் பகுதியைச் சேர்ந்தவர் ரகு, வீட்டில் கறவை மாடுகளை வளர்த்து வருகிறார். இந்நிலையில், நேற்று முன்தினம் மாலை மேய்ச்சலுக்கு சென்ற கன்றுக்குட்டி காணாமல் போனது. இதனால் ரகு கன்றுக்குட்டியை பல இடங்களில் தேடியுள்ளார். இதற்கிடையில், நேற்று முன்தினம் இரவு வி.ஜி.ராவ் நகரில் உள்ள கால்வாயில் கன்றுக்குட்டி சிக்கியது தெரியவந்தது. இதையடுத்து நேற்று காலை காட்பாடி தீயணைப்பு துறையினருக்கு கால்வாயில் கன்றுக்குட்டி சிக்கி இருப்பதாக தகவல் கிடைத்தது. அதன்பேரில் தீயணைப்பு வீரர்கள் சம்பவ இடத்திற்கு சென்று கன்றுக்குட்டியை மீட்கும் முயற்சியில் ஈடுபட்டனர். கால்வாய் சிறியதாக இருந்தால், கன்றுக்குட்டியை மீட்பதில் சிக்கல் ஏற்பட்டது. இதையடுத்து கால்வாயை உடைத்து கன்றுக்குட்டியை மீட்டு, உரிமையாளர் ரகுவிடம் ஒப்படைத்தனர்.

வேலூர் மாவட்டத்தில் செயல்பட்டு வரும் CMC எனும் கிருத்துவ மருத்துவக் கல்லூரியில் காலியாக உள்ள டெக்னிக்கல் அசிஸ்டன்ட் பணியிடத்தினை நிரப்பிடுவதற்கான அறிவிப்பு வெளியிடப்பட்டுள்ளது. 12-வது தேர்ச்சி பெற்று மருத்துவ ஆய்வகத் துறையில் டிப்ளமோ முடித்தவர்கள் இப்பணியிடத்திற்கு விண்ணப்பிக்கலாம். தகுதியும், விருப்பமும் உள்ளவர்கள் கீழ்காணும் முறையில் விண்ணப்பித்துப் பயனடையலாம். நிர்வாகம் : கிருத்துவ மருத்துவக் கல்லூரி, வேலூர் மேலாண்மை : தமிழக அரசு மொத்த காலிப் பணியிடங்கள் : 01 பணி : Technical Assistant கல்வித் தகுதி : 12ம் வகுப்பு தேர்ச்சி பெற்று  Medical Laboratory Technology பாடப்பிரிவில் டிப்ளமோ முடித்தவர்கள் விண்ணப்பிக்கலாம் வயது வரம்பு : விண்ணப்பதாரர் 35 வயதிற்கு உட்பட்டு இருக்க வேண்டும். விண்ணப்பிக்கும் முறை : மேற்கண்ட பணியிடத்திற்கு விண்ணப்பிக்கத் தகுதியும், விருப்பமும் உள்ளவர்கள்  https://clin.cmcvellore.ac.in/   என்ற இணையதளத்தின் மூலம் ஆன்லைன் வழியாக விண்ணப்பிக்க வேண்டும். விண்ணப்பிக்க வேண்டிய கடைசி நாள் : 01.02.2021ம் தேதிக்குள் விண்ணப்பிக்க வேண்டும். தேர்வு முறை : வி...